كايــــــــن....وكايـــــــــن....

كاين من تنكرو من أول يوم 
وكاين من تتمنى عشرتو لعمر الدوم 

كاين من يستاهل لمحبة
وكاين اللي يتكره بلا سبة
سلعة في سوق وحده بالخنبة (خنبة ـــ خلسة )
ولٌخرة بايرة ما ليها سوم

كاين اللي سرّو يا محلاه
ساعة فراقو تستنى ملقاه
مثل النسمة كلامو وبهاه
بُعد ساعة عنو بيوم

وكاين اللي عشرتو يا مثقلها
لجبال ولا هي محملها
مثقالو لطنان ينزلها
سيرتو من ذكر البُوم

كاين من لا ينسى ندّو
معاه كان ولا ضدّو
سال سيفو مكسر غمدو
عودو مسرج دائم ملجوم

وكاين مالحيّين ما ينعد
رقم عاليسار كمالة عدد
لرد الظلم بانيلو سد
راكب بابور الضًّيم فارح بالعوم

كاين اللي كلامو بارود
بعد الخرجة حالف ما يعود
هو هو صخر الجلمود
لا ريح يهزو لا كثرة سوم

وكاين اللي فالهف معلم
اذا وعدك اقعد ثم
غدوا عندو آمس تم
واول الشهر كي آخرو ماليه لزوم

كاين من هو عالم حكيم
في صحبتو ما تشوفش ضيم
صادق قلبو سليم
لا سيف يخشى في دينو لا لوم

وكاين اللي في الحكمة منافق
عمامة إمام والقلب الفاسق
حلال والا حرام ما عندو فارق
همو في دنيتو المعلوم

هذا وكاين من هو بين البين
تحسو فار يطلعلو جنحين
كمثل الخفاش عايش بوجهين
نهارو في غار وليلو مع الطير يحوم

كاين من تنكرو من أول يوم 
وكاين من تتمنى عشرتو العمر الدوم


سيدي عقبة : 05/05/2011



التعليقات

  1. abououssama abououssama علق :

    سعيد أنا بمرورك وتعقيبك
    فعلا إن القصيدة مستوحات من هذه القصيدة اللبية الرائعة لكنها بنكهة جزائرية.
    كما هو حال قصيدة ناس وناس المستوحات من قصيدة نبطية
    بوركت زلا تحرمينا من زياراتك

  2. مرام علق :

    هناك ناس تكرههم من أول ليله
    وهناك ناس مايهونوا سنين طويله

    هنــــاك نــاس حبايب
    وهناك ناس تكرههم من غير سبايب

    ولاعقل عامر كيف عقل الخايب
    ولا وجوه تندي كي وجوه بخيـله

    هنـــاك نـاس يامحـــلاهــم
    وهناك ناس ماتقدر تعيش بلاهــم

    وهناك ناس حسديه وسود انياهم
    ثياب بيض من بره ومن جوه نيلــه

    هنــاك نـاس غــــوالـي
    حتى ان باعدوا ماكيفهم لا والـي

    حمالين للسـيه بطـــوعة بـالـي
    على خطهم ما عندهم تحــويــلــه

    وهناك ناس عشرتهم خطا طوالـي
    مكتوب في جباهييهم خراب العيله

    وهناك ناس تعزم واليدين خوالي
    وهناك ناس تبخل والجيوب ثقيله

    هدايات م الرب الكريم العالـــي
    وبو طبع ما تنفع معاه الحيلــه

    هناك ناس مـا تقــبلـهم
    وهناك ناس لك غاية تجول لهلهم

    وهناك ناس لاداروا خطا تحملهم
    وهناك ناس في عقلك لهــم تجفيله

    وهناك ناس ع الحيين لا تجملهم
    اللي تجيك منهم مالها تبديــــلــه

    ولايفرقـــوا ظنــي الا بعملـهــم
    ما حد ع التسعه مــــزوّد ليـــله

    وهناك ناس ما ينسوا اللي صارلهـم
    يردوه بعبــاره ووافي كيـله

    وهناك ناس لاهب الهبوب خبلهم
    ونسيوا اللي عدى وضاع جميلـه

    ولاخير في اللي ما يبات عللــهم
    ولا في الخليل ان كان فات خليله

    هنـاك نـاس يــا مبهـاهم
    وهناك ناس توعدهم وما تلقـاهم

    وان قابلتهم تلقى العذار معـاهـم
    مجهزينــه ماعنــد هـم تعطيـــله

    كلامهم اللي قالوه ضـــد انياهــم
    ان كان بحروا ينووا ع التقبيلــه
    ...

    ديوان الشعر الشعبي صادر عن لجنة جمع التراث بكلية الاداب جامعة قاريونس ( بنغازي - ليبيا)

التعليقات تحتاج لموافقة صاحب المدونة لنشرها.


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل