أنا والنّـــــــــت

سنين عدّيتـــــــها منتديـــــــــات
كليمتيــــــن ونزيد فيـــــــــــــها

هذا ساعـة لاخـــر نـهــــــــارات
الحصول ما نقــــــــدر نحصيــها

لكـــن جــــــــات هنا وفــــــرات
الشبكةما بقيــــــت نخطيــــــــها

صح، نغيب عنها ساعـــــــــــات
بسباب نقــــدر نحكيــــــــــــــها

مرة يقصوا عنــــــــي النّـــــــت
600 دينار نعجـــــــز عليــــــها

ومرّة ترجـــــــــع سلحفــــــــاة
بالسّيف تبـــــــــدّل أخطاويـــها

ومرّة تاكلنــــــــي الفيروســات
بوجادي عاجـــــــــز نلغيــــــها

ومرّة ندخــــــــل في سبـــــات
نهـــــــــجر الثقافة ومّاليــــــها

ومرّة تركبنــــــــــي نشعــــات
نقول لانترنــــــــــت نخطيــها

لكن ، نبعد عليها هيهــــــــــات
ندور ندور ونولّـــــــــي ليـــها

محـــــــال نترك الغاغـــــــات
وكلمتــــــــي لازم نرميـــــــها

لو كـــــان ندّي عليها سبّــــات
يصعــــــب علي نخبّيـــــــــها

الا بالحجّـــــــة والإثبـــــــات
جاهــــــز في لحظة نمحيــــها

لعمى، نكـــــره الجماعــــــات
والفرقـــــة من فكري لاغيــها

لانــــي متذهب ولا شيّــــــات
مسلـــــم و بلادي نبغيــــــــها

الله على ذيـــك الهجمـــــــات
كانت تجيني من كل جهـــــــة

أطنـــــان تنزل الصفحــــات
الشيخ(غوغل) مهيّيــــــــــها

نسخ، لصق، وقفــــــــــالات
اضغط تفـــوت القاريـــــــها
واذا حنّوا علي بكلمـــــــــات
شيطان وصفوني بيـــــــــها

فيهم من تهمنــــــي بالآيــــات
شيعي والسنــــة زاليــــــــها

وفيهم من أرماني بالبدعــــات
أبواب الجنّة علي مفرميـــــها

وكايـن الّلي زاد وفــــــــــات
ملحد،قال والعقيدة نافيــــــــها

هذا حالي مع العبــــــــــادات
أما السياسة لربّك خلّيـــــــها

عار علي نرفع الرّايـــــــات
وعيب رقبتي ليهم نحنيـــــها

تبقى بيناتنا لحترامـــــــــات
والكرامة واجب نحميـــــــها
 
عبد الوهاب طيباني



التعليقات

التعليقات تحتاج لموافقة صاحب المدونة لنشرها.


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل